Avtobus sürücüsü öz həyatı ilə yanaşı, məsuliyyət daşıdığı sərnişinlərin də həyatını təhlükəyə atıb. Bakıda bir marşrutdakı avtobus sürücüsü kobud şəkildə qayda pozur.
Qarşıdan gələn avtomobillərə məhəl qoymadan yoluna davam edir. İçində olan sərnişinlərin həyatını təhlükəyə atsa da, heç nə olmamış kimi yola davam edir. Bu kadrlar Bakıda bir sərnişin tərəfindən lentə alınıb. Göründüyü kimi 38 nömrəli marşrutda hərəkət edən avtobusun sürücüsü kobud şəkildə qayda pozur.
Hərəkət yolu onun olmasa da yoldan şütüyən maşınlara məhəl qoymur və xeyli insanın həyatını təhlükəyə ataraq qəza şəraiti yaradır.
38 nömrəli maşrutun dispetçeri Elçin Vəliyev hadisəni araşdıracaqlarını bildirib. Onun sözlərinə görə sübuta yetirilərsə o zaman sürücü işdən azad ediləcək.
Dizpetçer bildirib ki, işə ancaq müəyyən təcrübəyə malik sürücülər götürürlər və onları sınaq mərhələsinə cəlb edirlər. Daha sonra isə işlə təmin edilirlər.
Sərnişinlər bunun tək olmadığını bənzər hallarla dəfələrlə üzləşdiklərini deyir.
Bakı nəqliyyat agentliyinin sözçücü Mayis Ağayev isə deyir ki, daim belə sürücülərlə mübarizə aparırlar və belə hallara yol verənlərin cəzalandırılmasına səy göstərirlər.
