Avtoreyd.az bildirir ki, ABŞ-da 38 yaşlı naməlum musiqi həvəskarı radiostansiyalardan birinin binasına baltayla gələrək, əməkdaşlardan Insane Clown Posse qrupunun “Mənim baltam” mahnısını efirdə səsləndirmələrini tələb edib.
Hadisə Massaçusets ştatında, Medford şəhərində Kiss 108 radiostansiyasının ofisi yaxınlığında baş verib.
Hadisə yerinə gələn polis əli baltalı kişini radiostansiyanın binası yaxınlığındakı avtomobildə aşkar edib. Balta sahibi avtomobilin qapılarını içəridən bağlayaraq, bir neçə saat ərzindən avtodayanacaq boyunca yavaş-yavaş maşını ilə hərəkət edib. Bu zaman o, avtomobilin pəncərəsindən bayıra bıçaqlar atıb və heç bir danışıq aparmağa cəhd etməyib.
Polislər kişini elektroşokerin köməyi ilə dayandırmağa çalışsalar da, buna nail ola bilməyiblər. Üçsaatlıq qarşıdurmadan sonra meloman nəhayət təslim olub.
Polis musiqi həvəskarını psixiatrik yoxlamadan keçmək üçün müayinəyə göndərib. Yalnız müayinənin nəticəsindən sonra ona qarşı ittiham irəli sürüləcək.
