Hacıqabulda yük maşını ilə minik avtomobilinin toqquşması nəticəsində 1 nəfər yaralanıb.
“Report”un xəbər verir ki, hadisə bu gün axşam saatlarında Bakı-Qazax yolunun rayonun ərazisindəki “Qədirxum” restoranı yaxınlığında baş verib.
“Kamaz” markalı yük maşını ilə “VAZ-21015” markalı avtomobilin toqquşması nəticəsində Mingəçevir şəhər sakini, 56 yaşlı Saray Rəhbər qızı Həsənova müxtəlif dərəcəli bədən xəsarətləri ilə Şirvan Şəhər Mərkəzi Xəstəxanasına çatdırılıb.
Faktla bağlı araşdırma aparılır.