Amerikada safari-parkda nəhəng dəvə ziyarətçilərin avtomobilinə “hücum edib”. Daily Mail bildirir ki, dəvənin bu hərəkətinə səbəb yemək olub. Qızların idarə etdiyi avtomobilin salonuna başını soxan səhra gəmisi, turistlərin yemək dolu paketini çırpışdırıb.
Xanım turistlər Texasda yerləşən, ərazisində təxminən 50 növ nadir və ekzotik heyvanların yaşadığı Topsey Exotic Ranch rançosunda avtomobillə səyahətə çıxıblar.
Yolda onların qarşısına dəvəquşunun müşayiəti ilə hərəkət edən dəvə çıxıb.
Dəvə başını avtomobilin salonuna soxaraq, hətta özünü sığallamağa belə imkan verib. Hər şey də elə bu an baş verib. Şoka düşmələrinə baxmayaraq, xanım türistlər olanlara ümumilikdə yumorla yanaşıblar.
