Gürcüstanda, naməlum şəxs multikopterə bərkidilən qamakda Xaşuri şəhəri üzərində havada uçmaqla yeni istirahət üsulu nümayiş edib.
Sosial şəbəkələrin gürcü seqmentində Gürcüstanın mərkəzi hissəsində yerləşən Xaşuri şəhərinin üzərində insanın qəribə şəkildə havaya qalxdığının əks olunduğu videoçarx sürətlə yayılıb. Həmin videoda naməlum vətəndaş qamakı(tor yelləncək) pilotsuz təyyarəyə bərkitməklə, özünü havaya qaldırıb. Qeyri-adi aviaşounun şahidlərinin emosional qışqırıqlarına əhəmiyyət verməyən şəxs, özünü vəziyyətə tamamilə nəzarət edirmiş kimi göstərərək, səmada bir neçə dəqiqə sakit şəkildə istirahətinə davam edib.
Dronla havaya qamakda qalxan sərnişin şəhər sakinlərini nəinki öz uçuşuyla təəccübləndirib, eyni zamanda pilotsuz uçan aparatların gücünün az olması və insanı havaya qaldıra bilməməsi fikirlərini də təkzib edib.
