Fransanın Kann şəhərində keçirilən sayca 70-ci olan yubiley kinofestivalı başa çatıb.
Rejissor Pedro Almodovarın rəhbərlik etdiyi münsiflər heyəti əsas mükafat olan “Qızıl palma budağı”nı isveçli rejissor Ruben Ostlundun “Dördbucaq” filminə verib.
Kann festivalının qran-prisini rejissor Robin Kampiyonun “Dəqiqədə 120 zərbə” ekran əsəri alıb.
Ən yaxşı rejissor işi mükafatını Sofiya Koppola qazanıb.
Ən yaxşı aktyorlar isə Diana Krüqer (“Tükənmək üzrə”) və Xoakin Feniks (“Sən burada heç vaxt olmamısan”) seçilib.
Bundan əlavə, Nikol Kidman yubiley mərasiminin xüsusi mükafatını alıb.Report/
