Avtoreyd.az bildirir ki,Turin şəhər meydanda Çempionlar Liqasının finalına baxış zamanı düşən basabasa, çaxnaşma səbəb olub.
“Yuventus”la Madridin “Real” klubu arasında baş tutan Çempionlar Liqasının finalına baxış zamanı Turin şəhərinin meydanındakı fan-zonada baş verən basabasda xəsarət alan futbol azarkeşlərinin sayı 600 nəfərə çatıb.
Hadisənin səbəbi hələ ki, müəyyən edilməyib. Səsləndirilən versiyalardan birinə görə, təlaşa səbəb fişəng partlayışları, digərinə görə isə səkiyə aşan metal darvazalar olub. Son məlumatlara görə, bir neçə nəfər kritik vəziyyətdə xəstəxanadadır, onların arasında 4 yaşlı uşaq da var.
Hadisə şahidləri Turində baş verənləri 1985-ci ilin mayında Belçikanın “Eyzel” stadionunda “Yuve” ilə “Liverpul” komandaları arasında keçirilən Çempionlar kubokunun finalı zamanı yaşanan faciə ilə müqayisə ediblər. O zaman tribunalardan birinin divarının aşması nəticəsində 39 nəfər həlak olub, yüzlərlə insan isə yaralanmışdı.
