Bakıda avtomobili oğurlayıb satan şəxslər tutulub. Məlum olub ki, onlar paytaxdan apardıqları avtomobili heç bir sənədi olmadan gəncədə satıblar. Özüdə dəyərindən xeyli ucuz qiymətə.
Bakıdan oğurladıqları avtomobili Gəncədə satıblar.
Hadisə bir neçə ay əvvəş paytaxtın Binəqədi rayonunda baş verib. Fərid Məmmədov ”102” xidmətinə məlumat verib ki, yaşadığı evin yaxınlığından ”99-AX-765” dövlət nömrə nişanlı ”Daevoo” markalı minik avtomobili qaçırılıb.
Əməliyyat-axtarış tədbirlərinə başlayan 7-ci polis bölməsinin əməkdaşları avtomobili qaçırmaqda şübhəli bilinən Beyləqan rayon sakini Orxan Hüseynovu Bakıda, Elnur Həsənovu isə Samuxda saxlayaraq istintaqa cəlb ediblər. Saxlanılan Orxan Hüseynov iddia edir ki, o, avtomobili qaçırmayıb. Razılaşma yolu ilə Fərid Məmmədovdan nisyə alıb. İşin istintaqını aparan müstəntiq Eldar Abdullayevin sözlərinə görə, Orxan Hüseynov avtomobili qaçırdıqdan sonra tanışı Elnur Həsənovla birlikdə Gəncədə Ramin Tağıyevə satıb. Onların avtomobilin sahibi ilə aralarında razılıqla bağlı heç bir sənəd yoxdur. Hətta avtomobilin Orxanda heç bir sənədi belə olmayıb.
Oğurluq yolla satılan avtomobil 7-ci polis bölməsinin əməkdaşları tərəfindən Samux rayonunda Ramin Tağıyevdən saz vəziyyətdə aşkar edilərək polis idarəsinə gətirilib. Faktla bağlı Binəqədi rayon polis idarəsində cinayət işi başlanıb.
