Avtoreyd.az bildirir ki, İndoneziyada ilana görə təcili şəkildə elektrik qatarını dayandıraraq, polis çağırmaq lazım olub.
Qatar İndoneziyanın paytaxtı Cakartadan Boqor şəhərinə doğru hərəkət edirmiş. Səfər zamanı sərnişinlər baqaj rəfində ilanı gördükdən sonra vaqonda təlaş yaşandığından, qatarı təcili dayandırmaq lazım olub.
Hadisə yerinə polis çağırılıb. Lakin əvvəlcə heç kim ilanı olduğu yerdən çıxarmağa cürət etməyib. Bu zaman sərnişinlərdən biri sürünəni quyruğundan tutaraq, vaqondan çıxarıb.
Şəhərətrafı qatarların aid olduğu şirkətin nümayəndəsi baş verənlərə görə sərnişinlərdən üzr istəyib. Güman edilir ki, ilanı yükün arasında sərnişinlərdən biri aparırmış. Hərçənd ki, bu, İndoneziya qanunlarına görə qadağandır.
