Hadisə ABŞ-da, Virciniya ştatındakı beynəlxalq aeroport yaxınlığında baş verib. AvtoReyd.Az bildiri ki, qəzaya düşən sürücü hadisəyə əsəbi şəkildə və tamamilə ədəbsiz formada reaksiya verib.
32 yaşlı Xose Qonsales Flores, digər avtomobillə toqquşduqdan sonra avtomobildən enib və qarşı tərəfə hücum edib. Bundan sonra Xose Qonsales Flores lüt soyunaraq, yaxınlıqdan keçən və yol-nəqliyyat hadisəsi ilə heç bir əlaqəsi olmayan yük maşınının damına hoppanıb. Daha sonra isə nəqliyyat vasitəsinə qəzəbli zərbələr endirə-endirə səyahətə çıxıb.
Çılpaq sürücünün gəzintisi yol qırağındakı xəndəkdə bitib. Burada o, polisdən gizlənməyə çalışsa da, tezliklə aşkar olunub. 32 yaşlı kişi xuliqanlıqda, hücumda, başqasının əmlakına zədə yetirməkdə və, əlbəttə, ədəbsiz davranışda ittiham olunub.
