Dəfələrlə xəbərdarlıq edilməsinə və cəza tədbiri görülməsinə baxmayaraq, hələ də yol hərəkəti və yükdaşıma qaydalarına əməl etməyən sürücülər var.
Xezerxeber.az-ın məlumatına görə, daha bir yükdaşıma qaydalarının pozuntusuna 166 saylı yükdaşıma taksisinin sürücüsü yol verib. Bununla bağlı “Xəzər Xəbər”in votsap nömrəsinə sürücülərdən biri tərəfindən görüntü göndərilib. Kadrlardan aydın görünür ki, yük maşınının sürücüsü yol hərəkəti və yükdaşıma qaydalarını açıq şəkildə pozur. Üstəlik, avtomobillərin sıx hərəkət ediyi yolda sürücünün ani diqqətsizliyi və ya yanlış manevri hər an böyük faciəyə səbəb ola bilər. Çünki maşında daşınan ağacın budaqlarının kuzovdan xeyli kənara çıxması arxadan gələn avtomobillərin görüntüsünü məhdudlaşdırır.
Yeri gəlmişkən, bu günlərdə Baş Dövlət Yol Polisi İdarəsi sürücülərə xəbərdalıq edib.
Xəbərdarlğa görə, yükdaşıma qaydalarını pozan sürücülər yol polislərin iştirakı olmadan da cərimə ediləcəklər. Bu zaman texniki vasitələrin, xüsusilə nəzarət kameralarının imkanlarından istifadə ediləcək. Belliklə, həmin sürüclərin ünvanlarına elektron protokollar göndəriləcək.
Yükdaşıma qaydalarının pozulmasına görə baş verə biləcək qəzanın miqyası daha böyük ola biləcəyindən bu yeniliyin effektiv olacağı güman edilir.
Qeyd edək ki, yükdaşıma qaydalarını pozan sürücü 40 manat cərimə oluna bilər.
Həmin görüntünü sizə təqdim edirik:
