Ağdamda zəncirvari yol qəzası qeydə alınıb.
AvtoReyd.Az APA-ya istinadən xəbər verir ki, hadisə rayonun Quzanlı qəsəbəsində baş verib.
Hərəkətdə olan “Mercedes” markalı “90 OF 568” qeydiyyat nömrə nişanlı maşın hərəkətdə olarkən “VAZ 2107” markalı “02 BR 552” qeydiyyat nömrəli maşınla toqquşub.
Zərbənin gücündən “Mercedes”in sürücüsü idarəetməni itirərək yol kənarındakı “VAZ 2106” markalı “02 BO 763” markalı maşına çırpılıb.
Ağdam Polis Şöbəsindən verilən məlumata görə, “Mercedes” markalı avtomobilin sürücüsü Ərganov Mehman, “VAZ 2107” markalı maşının sürücüsü Əliyev Elşad, “VAZ 2106” markalı maşının sürücüsü Məhərrəmov Məhərrəm olduğu müəyyən edilib.
Faktla bağlı araşdırma davam etdirilir.
