Səhər saatlarında Bakıda 3 nəfərin xəsarət alması ilə nəticələnən ağır yol nəqliyyat hadisəsi baş verib.
Xezerxeber.az məlumat verir ki, su şirkətlərindən birinin yük avtomobili yol kənarinda avtobus gözləyən ana və iki uşağını vurub. Hadisə Xətai rayonu Cavanşir küçəsində baş verib. Şahidlərin sözlərinə görə, sürücü yoxuşlu yolda avtomobili saxlayaraq mağazaya girib. Bu zaman içi su ilə dolu olan yük maşını enişə doğru yüksək sürətlə hərəkət edərək yol kənarında duran piyadaları vurub. Şahidlərin köməyi ilə xəsarət alan ana və onun iki qızı ağır yaralı halda dərhal yaxınlıqda olan xəstəxanaya aparıliblar. Sürücü isə hadisə yerindən qaçıb. Faktla bağlı Xətai rayon polis İdarəsində araşdırma aparılır. Sürücünün saxlanılması istiqamətində əməliyyat keçirilir.
Hadisə ilə bağlı görüntünü təqdim edirik:
