Səhər saatlarında Bakı-Quba yolunda yol qəzası baş verib.
AvtoReyd.Az “Report”a istinadən xəbər verir ki, Xırdalan-Masazır dairəsinin üzərindəki körpüdə “Mercedes” markalı avtomobil BMW-yə, digər “Mercedes” isə arxadan ona çırpılıb.
Hər 3 maşına ciddi ziyan dəyib. Hadisə yerinə sığorta və polis işçiləri cəlb olunub.
Qəza nəticəsində yolda tıxac yaranıb. Hazırda DYP əməkdaşları yolda maşınların hərəkətini tənzimləyir.
