Şəkidə qumla dolu yük maşını evə girib.
Hadisə bu gün səhər saatlarında rayonun Böyük Dəhnə kəndində baş verib.
AvtoReyd.Az-ın məlumatına görə,99 MN 196 dövlət nömrə nişanlı “Shagman” markalı yük avtomobili idarəetməni itirərək yolun kənarında yerləşən Mustafayev Allahverdiyə məxsus yaşayış evinə girib.
Sükanın idarəetməsini itirən sürücü özünü avtomobildən çölə atıb. O, müxtəlif dərəcəli bədən xəsarətləri ilə Şəki Mərkəzi Rayon Xəstəxanasına aparılıb.
Hadisə baş verən an evdə heç kim olmayıb. Evə ciddi ziyan dəyib.
Hadisə şahidlərinin AvtoReyd.Az-a verdiyi məlumata görə,bu gün səhər baş verən hadisəyə baxmayaraq hələ də yük maşını yerindən tərpədilməyib.
