Tovuz rayonunda 4 nəfərin xəsarət alması ilə nəticələnən avtomobil qəzası baş verib.
“Report”un Qərb bürosunun məlumatına görə, hadisə rayonun Əsrik-Cırdaxan kənd ərazisində qeydə alınıb.
Belə ki, “VAZ-2106” markalı avtomobil idarəetmədən çıxıb və dərəyə yuvarlanaraq çaya düşüb.
Nəticədə 4 nəfər – Tovuz rayon Bayramlı kənd sakinləri – 1978-ci il təvəllüdlü Xəyalə Rəşid qızı Cəfərova, 1971-ci il təvəllüdlü Cəmil Kamil oğlu Cəfərov, 1962-ci il təvəllüdlü Rəşid Kamil oğlu Cəfərov və 1976-cı il təvəllüdlü Samirə Əli qızı Cəfərova müxtəlif bədən xəsarətləri alaraq Tovuz Rayon Mərkəzi Xəstəxanasına yerləşdiriliblər.
Faktla bağlı araşdırma aparılır.
