Xocalı prospektində nəqliyyat hadisəsi baş verib.
Hadisə şahidlərinin AvtoReyd.Az-a verdiyi məlumata görə,Üzeyir Hacıbəyov küçəsindən Xocalı prospekti ilə müəyyən edilən bir tərəfli axın istiqamətində hərəkətdə olan NİSSAN markalı avtomobil qarşıdan tam axına qarşı əks istiqamətdə hərəkət edən Volkswagen Polo ilə toquşub.Hadisə nəticəsində xəsarət alan olmasa da,avtomobillərə ziyan dəyib.Xatırladaq ki,İnzibati Xətalar Məcəlləsinin 327.4 maddəsinə əsasən birtərəfli hərəkət yollarında müəyyən edilmiş hərəkət istiqamətinin əksinə hərəkət etməyə, habelə 1.1, 1.3 və 1.11 üfüqi nişanlanma xətlərinin tələblərini pozmaqla nəqliyyat vasitəsini tam olaraq əks istiqamətli nəqliyyat axınının hərəkət zolağına keçirərək nəqliyyat axınına əks istiqamətdə hərəkət etməyə görə sürücü 100 manat, 4 bal cərimə edilir.
