AvtoReyd.Az Fan.Az – a istinadən xəbər verir ki, Vanda miqrantları daşıyan mikroavtobus dərəyə yuvarlanıb. Ölü və yaralılar var.
Vanın Özalp rayonuna aid Sürüyolu Məhəlləsi yolunda qaçaq miqrantları daşıyan mikroavtobusun dərəyə yuvarlanması nəticəsində meydana gələn qəzada çox sayda ölü və yaralı var.
Sürücüylə birlikdə içərisində 67 nəfərin olduğu 76 AAC 296 nömrəli mikroavtobus, nəzarətdən çıxaraq təxminən 200 metrlikdən yol kənarındakı xəndəyə yuvarlanıb.
Yerli sakinlərin verdiyi xəbərə görə hadisə yerinə jandarm, AFAD, və Təcili Xidmət briqadaları cəlb edilib. Qəzada sürücüylə birlikdə 5 nəfəri uşaq, 6-sı qadın olmaqla, ümumilikdə 17 adam ölüb, 50 sərnişin isə yaralanıb.
Qəza baş verən ərazidə ətrafa səpələnən yaralılar, bölgəyə cəlb olunan təcili tibbi yardım briqadaları və vətəndaşların köməyi ilə dərədən çıxarılaraq ambulanslara yerləşdirilib. Hadisə zamanı xəsarət alan şəxslər, Vandakı xəstəxanalara yerləşdirilib.
Avtomobilin içində sıxılaraq həlak olanların cəsədləri isə təxminən 1 saatlıq xilasetmə işlərindən sonra maşından çıxarılaraq dəfn üçün nəzərdə tutulan nəqliyyat vasitəsi ilə Tibbi Ekspertiza Müəssisəsinə aparılıb. Cəsədi çıxarılan sürücünün solunda bir uşaq, sağında isə 4 nəfər olub.
Qəzayla bağlı geniş miqyaslı istintaq başlayıb.
