Goranboy rayonunda xəsarətlə nəticələnən yol-nəqliyyat hadisəsi baş verib.
AvtoReyd.Az APA-ya istinadən məlumat verir ki, avtoqəza Bakı-Qazax magistralının Goranboyun Borsunlu kəndindən keçən hissəsində qeydə alınıb.
“KamAZ” markalı yük maşını ilə “Mercedes” markalı mikroavtobusun toqquşması nəticəsində 4 nəfər xəsarət alıb. Yaralılar xəstəxanaya yerləşdirilib. Onlardan birinin vəziyyəti ağırdır.
Faktla əlaqədar araşdırma aparılır.
