Yasamal rayonunda taksi fəaliyyəti göstərən avtomobil yanıb.
Hadisə ötən gecə Ziya Bünyadov prospektində baş verib.
AvtoReyd.Az Apa-ya istinadən xəbər verir ki, A.Salamzadə küçəsilə hərəkətdə olan “BMW” markalı minik avtomobili Ziya Bünyadov prospektinə keçərkən anidən alışıb.
Dərhal əraziyə FHN-in Yasamal Rayonu üzrə Yanğından Mühafizə Xidmətinin 2 yanğınsöndürmə briqadası cəlb edilib.
Yanğın söndürülüb.
Yasamal Rayon Polis İdarəsinin və DYP əməkdaşları Ziya Bünyadov prospektində digər hadisənin baş vernəməsi üçün hərəkəti dayandırıb.
Hadisənin dəqiq hansı səbəbdən baş verməsi araşdırılır.
