Tovuzda ağır yol-nəqliyyat hadisəsi baş verib.
Baku TV xəbər verir ki, hadisə rayonun Aşağı Quşçu kəndində qeydə alınıb.
Hərəkətdə olan “VAZ-2106” markalı minik maşını ilə “Mercedes” avtomobili toqquşub.
Hadisə zamanı 1951-ci il təvəllüdlü Mehdiyeva Dilarə xəsarət alıb və Tovuz Rayon Mərkəzi Xəstəxanasına yerləşdirilib. Xəstənin vəziyyəti orta-ağır qiymətləndirilir.
Hadisə yerinə DYP əməkdaşları cəlb olunub.
Faktla bağlı araşdırma aparılır.