Hava şəraiti ilə əlaqədar olaraq əsas avtomobil yollarının vəziyyəti haqqında məlumat verilib.
Oxu.Az-ın Azərbaycan Avtomobil Yolları Dövlət Agentliyindən əldə etdiyi məlumatda, 18 istiqamət üzrə yollardakı mövcud vəziyyət açıqlanıb.
Bakı — Quba — Rusiya Federasiyası ilə dövlət sərhədi: Hazırda marşrut boyu zəif qar yağır, yolun Quba və Qusar ərazisindən keçən hissəsində 4 dərəcə şaxta var. Nəqliyyatın hərəkəti təmin olunması istiqamətində yol qardan təmizlənir, enişlərə, həmçinin yoxuşlara qum-duz qarışımı səpilərək nəqliyyatın hərəkəti təmin olunur.
Xınalıq istiqamətində yol boyu qar yağır, 8 dərəcə şaxta var. Yolun 35-37 km hissələrində 0.6-1 metr arası qar var və bu qarın yoldan təmizlənməsi üzrə işlər yekunlaşmaq üzrədir.
Giləzi — Xızı yolu: Marşrut boyu zəif qar yağır, 5 dərəcə şaxta var. Gün ərzində yolda nəqliyyat vasitələrinin normal hərəkətinin təmin edilməsi istiqamətində müvafiq işlər aparılıb, hazırda bu istiqamətdə tədbirlər davam etdirilir.
Bakı — Qobustan istiqaməti: Yağıntı yoxdur, güclü külək var. Şaxta 1-2 dərəcə təşkil edir. Yolun 35-45 km hissəsində buzlaşma əmələ gəlib, hazırda bu hissədə nəqliyyat vasitələrinin təhlükəsiz hərəkətinin təmin olunması istiqamətində müvafiq tədbirlər davam etdirilir. Yolda nəqliyyat vasitələrinin hərəkəti təmin olunur.
Qobustan — Şamaxı — Muğanlı istiqaməti: Şamaxı rayonu ərazisində zəif qar yağır, yolda qar yoxdur, 1-2 dərəcə şaxta var. Gün ərzində yolun buz bağlamış hissələrinə qum-duz qarışımı səpilib. Yolda nəqliyyat vasitələrinin hərəkəti təmin olunub.
Muğanlı — Ağsu — Yevlax yolu: Yolun Muğanlı-Ağsu-Göyçay hissəsinə zəif qar yağır, yolda qar yoxdur, Ağsu dolaylarında 1-2 dərəcə şaxta var. Gün ərzində yolun buz bağlamış hissələrinə qum-duz qarışımı səpilib. Yolda nəqliyyat vasitələrinin hərəkəti təmin olunub.
Bakı — Ələt — Hacıqabul istiqaməti: Yağıntı yoxdur, nəqliyyat vasitələrinin hərəkəti təmin olunub.
Hacıqabul — Ucar — Yevlax istiqaməti: Yolun Hacıqabul rayonu ərazisindən keçən hissədə yağış, Ucar və Yevlax rayonundan keçən ərazilərdə sulu qar yağır, nəqliyyat vasitələrinin hərəkəti normaldır.
Yevlax — Gəncə — Qazax — Gürcüstan Respublikası ilə dövlət sərhədi: Yolun Tovuz-Qazax hissəsində sulu qar yağır, nəqliyyat vasitələrinin hərəkəti təmin olunub.
Muğanlı — İsmayıllı yolu: Qar yağır, 2-3 dərəcə şaxta var. Yolda qar yoxdur, kənarlarda qarın hündürlüyü 20-25 santimetr arasında dəyişir. Gün ərzində yol qardan təmizlənib, buz bağlamış sahələrinə, əsasən də meşə zolağından keçən hissələrə qum-duz qarışımı səpilib. Hazırda bu istiqamətdə işlər davam etdirilir. Yolda nəqliyyat vasitələrinin hərəkəti təmin olunub.
İsmayıllı — Qəbələ — Oğuz — Şəki istiqaməti: Qar yağır, İsmayıllı-Qəbələ rayonları ərazisində 1-2 dərəcə şaxta var. Yolda qar yoxdur, kənarlarda qarın hündürlüyü 10-25 santimetr arasında dəyişir. Gün ərzində yol qardan təmizlənib, buz bağlamış sahələrinə, eləcə də körpülərə qum-duz qarışımı səpilib. Yolda nəqliyyat vasitələrinin hərəkəti təmin olunub.
Şəki — Qax — Zaqatala — Gürcüstan Respublikası ilə dövlət sərhədi: Zəif qar yağır, yolda qar yoxdur, Şəki və Qax rayonları ərazisində 1-2 dərəcə şaxta var. Yolda nəqliyyat vasitələrinin hərəkəti təmin olunub.
Yevlax — Şəki (Göybulaq) istiqaməti: Şəki rayonu ərazisində zəif qar yağır, yolda nəqliyyat vasitələrinin hərəkəti təmin olunub.
Gəncə — Daşkəsən — Xoşbulaq istiqaməti: Marşrut boyu qar yağır. 5-6 dərəcə şaxta var. Yol qardan təmizlənib, qum-duz qarışımı səpilib. Hazırda bu istiqamətində tədbirlər davam etdirilir. Yolda nəqliyyat vasitələrinin hərəkəti təmin olunur.
Şəmkir — Gədəbəy yolu: Marşrut boyu qar yağır, 4-5 dərəcə şaxta var. Yol qardan təmizlənib, qum-duz qarışımı səpilib. Hazırda bu istiqamətində tədbirlər davam etdirilir. Yolda nəqliyyat vasitələrinin hərəkəti təmin olunur.
Ələt — Astara — İran İslam Respublikası ilə dövlət sərhədi: Yolun Lənkəran-Astara hissəsinə sulu qar və qar yağır, yolda nəqliyyat vasitələrinin hərəkəti təmin olunub.
Masallı — Yardımlı istiqaməti: Qar yağır, şaxta yoxdur. Gün ərzində yol qardan təmizlənib, qum-duz qarışımı səpilib. Yolda nəqliyyat vasitələrinin hərəkəti təmin olunub.
Lənkəran — Lerik yolu: Qar yağır, Lerik rayonu ərazisində 3-4 dərəcə şaxta var. Gün ərzində yol qardan təmizlənib, qum-duz qarışımı səpilib. Yolda nəqliyyat vasitələrinin hərəkəti təmin olunub.
Hacıqabul — Bəhramtəpə — Horadiz istiqaməti: Yağış və sulu qar yağır, yolda nəqliyyat vasitələrinin hərəkəti təmin olunub.