Oğuz rayonunda yol qəzası baş verib.
AvtoReyd.Az “Report”a istinadən məlumat verir ki, hadisə bu gün səhər saatlarında rayon ərazisində qeydə alınıb.
Belə ki, Oğuz-Mingəçevir marşrut xətti ilə hərəkət edən “Ford” markalı mikroavtobusla Oğuz-Bayan marşrut xətti ilə hərəkətdə olan “Mercedes” markalı mikroavtobus toqquşub. Qəza zamanı iki nəfər sərnişin müxtəlif dərəcəli bədən xəsarətləri alıblar. Onlar Oğuz Rayon Mərkəzi Xəstəxanasına yerləşdiriliblər.
Faktla bağlı araşdırma aparılır.
