Avtoreyd.Az Hadisə Bərdədə toy karvanının avtomobili 4 nəfəri vuraraq hadisə yerindən qaçıb: ölən və yaralananlar var – FOTO

Bərdədə toy karvanının avtomobili 4 nəfəri vuraraq hadisə yerindən qaçıb: ölən və yaralananlar var – FOTO


Bərdədə toy karvanında gedən avtomobillərdən biri yol kənarında su içən toy mərasiminin 4 iştirakçısını vuraraq hadisə yerindən qaçıb

AvtoReyd.Az “Report”un yerli bürosuna istinadən xəbər verir ki, hadisə rayonun Yeni Daşkənd kəndi ərazisində baş verib.

Belə ki, 32-BC-306 dövlət qeydiyyat nişanlı, VAZ-2106 markalı avtomobil hərəkətdə olan zaman sürücü nəqliyyat vasitəsinə idarəetməni itirib. Nəticədə avtomobil yol kənarında su içən piyadaları vurub.

Nəticədə 1962-ci il təvəllüdlü Məmmədova Ağapəri Möhbalı qızı hadisə yerində dünyasını dəyişib. Digər 3 nəfər: 1993-cü il təvəllüdlü Məmmədov Sərvər Məhəmmədəli oğlu, 1962-ci il təvəllüdlü Səmədova Ayyıldız Sehral qızı və 1955-ci il təvəllüdlü Quliyeva Göyçək Əli qızı ağır bədən xəsarətləri alıblar. Yaralılar Bərdə Rayon Mərkəzi Xəstəxanasına çatdırılıb. Onların vəziyyətinin ağır olduğu bildirilir.

Qeyd edək ki, yol-nəqliyyat hadisəsini törətmiş sürücü hadisə yerindən qaçıb.

Faktla bağlı araşdırma aparılır.

AvtoReyd.Az

Related Post

Bakı-İstanbul sərnişin avtobusu Yevlaxda yük maşını ilə toqquşub – VİDEOBakı-İstanbul sərnişin avtobusu Yevlaxda yük maşını ilə toqquşub – VİDEO

Bakı-İstanbul sərnişin avtobusu Yevlax rayonunda yük maşını ilə toqquşub. AvtoReyd.Az “Report”un Qarabağ bürosunun məlumatına görə,xəbər verir ki, hadisə Bakı-Qazax magistralının rayonun Səmədabad kəndi ərazisindən keçən hissəsində qeydə alınıb. Belə ki, Türkiyə vətəndaşı 1977-ci il