Lənkəranda piyadanı vuran avtomobil hadisə yerindən qaçıb.
AvtoReyd.Az APA-ya istinadən verdiyi məlumata görə, hadisə Lənkəran şəhərinin Səttarxan küçəsində qeydə alınıb.
Sürücüsü məlum olmayan avtomobil adıçəkilən küçədə yaşayan, 1962-ci il təvəllüdlü Sevil Balakişi qızı Qasımovanı vuraraq hadisə yerindən qaçıb. Yaralı Lənkəran rayon Mərkəzi Xəstəxanasına çatdırılıb. Vəziyyətinin qənaətbəxş olduğu bildirilir.
Faktla bağlı araşdırma aparılır.