Mingəçevir şəhərində yol-nəqliyyat hadisəsi baş verib.
AvtoReyd.Az“Report”a istinadən xəbər verir ki, hadisə şəhərin Samux küçəsində qeydə alınıb.
Belə ki, “VAZ-21099″ və “VAZ-2107” markalı avtomobillərin toqquşması nəticəsində 1961-ci il təvəllüdlü Azadə Hüseyn qızı Hüseynova və 1960-cı il təvəllüdlü Rasim Qasımov müxtəlif dərəcəli bədən xəsarətləri alıb. Hər iki yaralı Mingəçevir Şəhər Mərkəzi Xəstəxanasına yerləşdirilib.
Faktla bağlı araşdırma aparılır.