Şirvan şəhərində oğurlanan maşın Lənkəranda tapılıb.
Xezerxeber.az-ın məlumatına görə, avtomobil, şəhər sakini 18 yaşlı Vüqar Əlizadənin yaşadığı ünvanda aşkarlanıb.
Şirvan və Lənkəran polisinin birgə keçirdikləri əməliyyat-axtarış tədbirləri zamanı maşının yeri müəyyən olunub.
Vaqif Məmmədov küçəsi 25 saylı evin həyətinə baxış keçirilib. Bu zaman həyətdə olan 42 BA 265 dövlət qeydiyyat nişanlı avtomobilin ötən ayın 31-də Şirvan şəhəri Gülbala Şıxbalaoğlu küçəsi 77 saylı binanın qarşısından oğurlanan və Xəyyam Əliyeva aid olduğu müəyyən edilib.
Həmçinin avtomaşının dövlət qeydiyyat nişanı, açarı və arxa oturacağının dəyişildiyi də məlum olub. Avtomaşının oğurlanmasında təqsirli bilinən Vüqar Əlizadə istintaqa verdiyi ilkin izahatında maşını oğurlamadığını, Şirvan şəhərində “Məxi” kimi tanıdığı tanışından 350 manata aldığını söyləyib.
Fakt üzrə cinayət işi başlanıb.
