Sumqayıtda dəhşətli yol nəqliyyat hadisəsi baş verib. Qəza nəticəsində 3 nəfər ölüb, 1 nəfər ağır yaralanıb.
Xezerxeber.az məlumat verir ki, magistral yolu keçmək istəyən heyvan ağır avtomobil qəzasına səbəb olub. Kamaz markalı yük maşını inəyi vurub arxadan gələn mersedes isə qarşısındakına çırpılıb. Nəticədə 3 nəfər ölüb, 1 nəfər ağır yaralanıb. Hadisə Bakı-Quba yolunun Sumqayıt şəhər Hacı Zeynalabdın qəsəbəsindən keçən hissəsində qeydə alınıb
Dərhal qəza yerinə Baş DYPŞ-in və FHN-in xilasediciləri cəlb olunub. Araşdırma zamanı məlum olub ki, magistral yolun qaranlıq olması və həmin vaxt ərazidən heyvanların keçməsi ağır qəzaya səbəb olub. Əvvəlcə Kamaz inəyə dəyib, sonra arxadan gələn “Mercedes” markalı 10 TN 757 dövlət nömrə nişanlı avtomobil qarşısında qəza törədən yük maşınına çırpılıb. Hadisə yerinə cəlb olunmuş Sumqayıt Regional Mərkəzinin xilasetmə qüvvələri cəsədləri və xəsarət alan şəxsi deformasiyaya uğramış avtomobildən çıxarıb və aidiyyəti üzrə təhvil veriblər.
Faktla bağlı araşdırma aparılır.
