Amerikanın Oreqon ştatında balıqçıların olduğu qayığı görməyən kater, böyük sürətlə ona çırpılıb.
Avtoreyd.az bildirir ki, hadisə Kolumbiya çayında qızılbalıq ovuna çıxan üç yerli sakinin başına gəlib. Onların üzərinə sürətlə gələn katerin kapitanının diqqətini cəlb etmək üçün balıqçılar, qışqırmağa və əllərini yelləməyə başlasalar da, gəmi istiqamətini dəyişməyib.
Bu zaman balıqçılara çıxış yolu kimi yalnız buzlu suya tullanmaq qalıb, və bir neçə saniyə sonra kater onların qayığına çırpılıb. İnsident anını onların özləri ilə götürdükləri kamera qeydə alıb.
Balıqçılar sağ qalsalar da, əl və ayaq nahiyələrindən xəsarət alıblar. Onlar katerin kapitanından kompensasiya tələb edərək, artıq məhkəməyə müraciət ediblər.
Kapitanın qanında alkoqol və ya narkotik izləri tapılmasa da, ancaq o, özünü günahkar hesab etməyib. Bildirib ki, sadəcə kiçik qayığı görməyib.
