Bakı-Qazax magistralının Goranboy rayonunun Borsunlu kəndi ərazisindən keçən hissəsində zəncirvarı qəza baş verib.
AvtoReyd.Az ARB TV-ə istinadən xəbər verir ki, 3 avtomobil traktora çırpılıb, 1 nəfər xəsarət alıb.
“Reno” markalı avtomobilin sürücüsü Dəmir Həsənov Goranboy Rayon Mərkəzi Xəstəxanasına aparılıb. Ona ilkin tibbi yardım göstərildikdən sonra, ambulator müalicəyə buraxılıb.
Qəzaya traktorun yolun müəyyən olunmamış hissəsiylə hərəkət etməsi və arxadan gələn avtomobillərin sürət həddini aşmasının səbəb olduğu güman edilir.
Faktla bağlı araşdırma aparılır.
