Martın 12-si gecə saatlarından Azərbaycanın şimal rayonlarında qar yağmağa başlayıb.
APA-nın şimal bürosunun verdiyi məlumata görə, Quba və Qusarı dağlıq ərazilərində qarın hündürlüyü 2-7 santimetrə çatır. Ən çox yağıntı Qubanın Qırız kəndində qeydə alınıb. Temperatur – 6 dərəcəyədək düşüb.
Qusarın rayon mərkəzində qarın hündürlüyü 2 santimetrdir.
Hazırda qar Quba, Qusar və Xaçmaz rayonları ərazisinə yağmaqda davam edir.
