Kürdəmirdə yol qəzası baş verib. AvtoReyd.Az APA TV-nin yerli bürosuna istinadən xəbər verir ki, hadisə gecə saatlarında Ağsu-Kürdəmir-İmişli yolunun 54-cü kilometrliyində, Kürdəmir rayonunun Çöl Ərəb kəndindən keçən hissəsində qeydə alınıb.
Məlumata görə, Qurbanov Elşad Rüstəm oğlunun idarə etdiyi “VAZ 2115” markalı minik avtomobili yolu keçmək istəyən camışı vuraraq öldürüb. Qəzadan sonra sürücü yüngül xəsarət alıb,onun idarəetməsindən çıxan avtomobil isə yol kənarına aşaraq yararsız vəziyyətə düşüb.
Faktla bağlı araşdırma aparılır.
Qeyd edək ki, analoji hadisə məhz həmin ərazidə bir neçə dəfə baş verib.
