Sosial şəbəkələrdə Bakı şəhərinin mərkəzi prospektlərindən birində bir qrup gəncin təşkil etdiyi hay-küylü şənliyin videosu yayılıb.
Toy karvanında iştirak edən gənclər yolun hərəkət hissəsində rəqs etməklə və havaya fişəng buraxmaqla, tuneldə avtomobillərin qarşısını kəsiblər.
Gənclər yaratdıqları nəhəng tıxaca və faktiki olaraq prospektdə bütün hərəkəti iflic etmələrinə baxmayaraq, şənliklərinə davam ediblər. Kadrlarda tunelə girişdə dayanmağa məcbur qalan onlarla avtomobil əks olunub.
Şənlik iştirakçılarının kimliyi haqqında heç bir məlumat yoxdur. Amma o da bildirilir ki, onlar dost toyunda əylənməyə qərar verən məmur övladlarıdır.
Maraqlıdır ki, yol polisi bu kobud yol hərəkət qaydaları pozuntusuna nədənsə müdaxilə etməyib. Qeyd edək ki, hadisə bir neçə gün öncə baş verib.
© Məlumatdan istifadə edərkən AvtoReyd.Az-a istinad olunmalıdır.
