Abşeronda ölümlə nəticələnən qəza olub. Aşan avtomobildə 1 nəfər ölüb. Oğuzda isə minik maşını mikroavtobusla toqquşub. Nəticədə 12 nəfər xəsarət alıb.
Avtomobilin aşması ölümlə nəticələnib.
Hadisə Abşeron rayonunun Qobu qəsəbəsində qeydə alınıb. Gədəbəy rayon sakini Tahir Bağırzadə avtomobili yüksək sürətlə idarə edərkən aşırıb. Yaralı ağır vəziyyətdə xəstəxanaya yerləşdirilsə də, onun həyatını xilas etmək mümkün olmayıb. Faktla bağlı Abşeron rayon polis İdarəsində araşdırma aparılır.
İsmayıllı-Qaraməryəm-Şəki magistral yolunun Oğuz rayonunun Bayan kəndi ərazisindən keçən hissəsində isə 37 yaşlı Fərhad Bilalovun idarə etdiyi mikroavtobusla Bakı şəhər sakini, 31 yaşlı Tural Ağayevin idarə etdiyi minik avtomobili toqquşub. Nəticədə 12 nəfər xəsarət alıb. Onlardan 5 nəfəri Şəkidə, 7 nəfəri isə Oğuzda xəstəxanaya yerləşdirilib.
Baş verən hər 2 qəza hadisəsi ilə bağlı araşdırma aparılır.
