Vəzifəli şəxs qəza törədib.
AvtoReyd.Az Open.az-a istinadən xəbər verir ki, hadisə Mincivan-Hacıqabul yolunun 138-ci kilometrliyində, Füzuli rayonu ərazisində qeydə alınıb.
Səfərbərlik və Hərbi Xidmətə Çağırış üzrə Dövlət Xidmətinin Füzuli rayon şöbəsinin həqiqi hərbi xidmətə çağırış bölməsinin rəisi, mayor Rövşən Hüseynovun idarə etdiyi “Mercedes” markalı, 99 EV 770 dövlət nömrə nişanlı avtomobil Füzuli rayon sakini, Yasəf Aslanovun idarə etdiyi “Ford Tranzit” markalı, 19 BH 492 dövlət nömrə nişanlı maşınla toqquşub.
Qəza nəticəsində Y. Aslanov xəsarət alıb.
Faktla bağlı araşdırma aparılır.
