Gəncə şəhərində sərnişin avtobusu qəzaya düşüb.
AvtoReyd.Az “Report”un Qərb bürosuna istinadən məlumat verir ki, hadisə şəhərin Mikayıl Müşfiq küçəsində qeydə alınıb.
Belə ki, hərəkətdə olan 17 nömrəli marşurut xətti üzrə işləyən “İsuzu” markalı avtobus minik avtomobili ilə toqquşub. Nəticədə bir neçə nəfər xəsarət alıb. Onlardan bir nəfərinin xəsarəti ciddi olduğundan xəstəxanaya yerləşdirilib. Hazırda onun kimliyi dəqiqləşdirilir.
Hadisənin başvermə səbəbləri isə aparılan araşdırmalardan sonra məlum olacaq.
