Bir neçə saat bundan əvvəl Bakının Sabunçu rayonu ərazisində zəncirvari yol qəzası baş verib.
AvtoReyd.Az “Report”a istinadən xəbər verir ki, Yeni Ramana qəsəbəsi ilə Şuşa şəhərciyi istiqamətində hərəkətdə olan “20-DE-409” dövlət qeydiyyat nişanlı avtomobilin idarəetmədən çıxması nəticəsində 5 maşın toqquşub.
Nəticədə bir nəfər xəsarət alıb, həmçinin avtomobillər yararsız hala düşüb. Hadisəni törədən sürücünün sərxoş olduğu bildirilir.
Əraziyə DYP və PPX əməkdaşları cəlb olunub.
