Kürdəmir rayonunda baş verən yol qəzasında 4 nəfər xəsarət alıb.
AvtoReyd.Az Report-a istinadən xəbər verir ki, hadisə Bakı-Qazax avtomobil yolunun rayonun Atakişilli kəndindən keçən hissəsində baş verib.
Belə ki, “Mitsubishi” markalı avtomobil idarəetmədən çıxaraq aşıb. Nəticədə sürücü və sərnişinlər xəsarət alaraq xəstəxanaya yerləşdirilib. Bunlar Bakı şəhər sakinləri – sürücü, 1971-ci təvəllüdlü Cavadova Kəmalə Balaca qızı, sərnişinlər – 1964-cü il təvəllüdlü Cəfərova Raya, 1998-ci il təvəllüdlü Bədəlova Aytac Nahid qızı və 2004-cü il təvəllüdlü Cəfərova Gülnur Azər qızıdır. Yaralılar müxtəlif bədən xəsarətləri ilə Kürdəmir Rayon Mərkəzi Xəstəxanasının Travmatologiya şöbəsinə yerləşdiriliblər.
Faktla bağlı araşdırma aparılır.
