Sabirabad rayonunun Nərimankənd kəndində ölümlə nəticələnən yol qəzası baş verib.
KİA və “QAZ-24” markalı avtomobillər toqquşub. AvtoReyd.Az Apa-ya istinadən xəbər verir ki, qəza nəticəsində “QAZ-24”-ün sürücüsü, Sabirabad rayonunun Soltanabad kənd sakini, 1972-ci il təvəllüdlü Bağırov Vüqar Səfər oğlu və KİA-nın sərnişinlərindən İmişli sakini, 1961-ci il təvəllüdlü Əliyev Sərxoş Əlizadə oğlu ölüblər. KİA-nın sürücüsü, İmişli rayonunun Kürdmahmudlu kənd sakini, 1955-ci il təvəllüdlü Xudiyev Əlibrahim Əliş oğlu və digər sərnişinlər yaralanıblar.
Xəsarət alanlardan ikisi Sabirabad Rayon Mərkəzi Xəstəxanasına, digər ikisi isə Şirvan Rayon Mərkəzi Xəstəxanasına yerləşdiriliblər.
Yol qəzasının təfərrüatları araşdırılır.
