Quba rayonunda ölümlə nəticələnən yol-nəqliyyat hadisəsi baş verib.
“Report” xəbər verir ki, hadisə rayonun Nügədi kəndi ərazisində qeydə alınıb.
Belə ki, həmin kəndin sakini Qabil Eldarov idarə etdiyi “VAZ-21011” markalı avtomobillə hərəkətdə olan zaman idarəetməni itirib və yolun kənarındakı ağaca çırpılıb.
Nəticədə sürücü Q.Eldarov aldığı xəsarətlərdən hadisə yerində ölüb.
Faktla bağlı Quba Rayon Polis Şöbəsi tərəfindən araşdırma aparılır.