Bakıda bir nəfərin ölümü ilə nəticələnən yol-nəqliyyat hadisəsi baş verib.
AvtoReyd.Az“Report”a istinadən xəbər verir ki, hadisə Suraxanı rayonu, Zığ qəsəbəsi ərazisində qeydə alınıb.
Belə ki, 90-FL 361 dövlət nömrə nişanlı “Qazel” markalı yük maşını motosikletlə toqquşub. Nəticədə motosiklet bir neçə metr məsafədə sürüşərək aşıb, sürücü isə aldığı ağır xəsarətdən hadisə yerindəcə ölüb. Əraziyə hüquq-mühafizə orqanlarının və təcili yardımın əməkdaşları cəlb edilib.
Faktla bağlı araşdırma aparılır.