Ağdaş rayonunda ölümlə nəticələnən yol-nəqliyyat hadisəsi baş verib.
AvtoReyd.Az APA-nın yerli bürosunun xəbərinə görə,bildirir ki, Bakı-Qazax avtomobil yolunun 258-ci kilometrliyində 61-BF-554 dövlət nömrə nişanlı VAZ 2107 markalı minik avtomobili yolu keçən piyada, Ağdaş sakini, 1953-cü il təvəllüdlü Abdullayev Nizam Məcid oğlunu vurub.
O, aldığı ağır xəsarətlərdən hadisə yerində ölüb.
Faktla bağlı Baş Dövlət Yol Polisi İdarəsinin İstintaq və Təhqiqat Şöbəsi tərəfindən araşdırma aparılır.