Gəncə şəhərində 6 nəfərin xəsarət alması ilə nəticələnən yol qəzası baş verib.
AvtoReyd.Az “Report”un Qərb bürosuna istinadən xəbər verir ki, hadisə Gəncə şəhəri, Nizami Gəncəvi prospektində qeydə alınıb.
Qəza zamanı Əliyev Anar Mirnovruz oğlunun sükanı arxasında olduğu “20-DB-687” dövlət qeydiyyat nişanlı “Chevrolet Cruze” markalı minik maşını idarəetməni itirərək yol kənarındakı maneəyə çırpılıb. Nəticədə bir ailənin 6 üzvü – ər-arvad, nənə və üç nəvə xəsarət alıb. Uşaqlardan biri azyaşlıdır.
