Avtoreyd.az bildirir ki, yük maşınının açılmış qapılarından canlı toyuqlar olan onlarla yeşiyin yola tökülməsi nəticəsində, Avstriyanın şimalındakı şosedə hərəkəti dayandırmaq lazım olub.
Hadisə iyulun 4–ü səhər saatlarında Lints yaxınlığındakı A1-in sürət şosesində baş verib. Toyuqlarla dolu yeşiklər yolun 160 metrlik hissəsinə səpələnib.
Ev quşlarının bir hissəsi tələf olub, ancaq bir neçə min toyuq qırılan yeşiklərdən şose boyunca səpələnib. Onları tutmaq üçün yolun Vyana istiqamətində olan zolağında hərəkəti dayandırmaq və hadisə yerinə təcili xidmət əməkdaşlarını çağırmaq lazım olub.
Şosenin əks tərəfində də tıxac yaranıb, çünki sürəti aşağı salan sürücülər baş verənləri görmək istəyib.
