Quba-Qusar yolunda ölümlə nəticələnən yol-nəqliyyat hadisəsi baş verib. APA TV-nin şimal bürosunun xəbərinə görə, hadisə yolun 7-ci kilometrliyində qeydə alınıb.
VAZ-2107 və BMW markalı avtomobillərin toqquşması nəticəsində 2 nəfər ölüb, 5 nəfər xəsarət alıb. Ölən şəxslər 1983-cü il təvəllüdlü Şahmirzəyev Ruslan Mirzəbala oğlu və Novruz Vahidlidir.
Xəsarət alan 5 nəfər Qusar Mərkəzi Rayon Xəstəxanasına yerləşdirilib. Üç yaralı ilkin tibbi yardımdan sonra ambulator müalicə üçün evə buraxılıb, 2 nəfərin müalicəsi isə xəstəxanada davam etdirilir.
Faktla bağlı araşdırma aparılır.
http://www.youtube.com/watch?v=rVNnVJBajAs