Biləsuvar rayonunda iki yük maşını toqquşub.
APA-nın cənub bürosunun verdiyi məlumata görə, qəza Ələt-Astara magistralının Biləsuvar rayonu ərazisindən keçən hissəsində qeydə alınıb.
“KamAZ” və “Shacman” markalı yük avtomobillərinin toqquşması nəticəsində hər iki sürücü xəsarət alaraq Biləsuvar Rayon Mərkəzi Xəstəxanasına çatdırılıb.
Məlumata görə, “KamAZ”-ın sürücüsü, 1982-ci il təvəllüdlü Araz Lətif oğlu İsgəndərov vəziyyətinin orta-ağır olduğu bildirilir, digər sürücüyə ilkin tibbi yardım göstərilib və o, evə buraxılıb.
Faktla bağlı araşdırmalara başlanılıb.