Lənkəran rayonunda yolu keçmək istəyən qadını avtomobil vurub.
AvtoReyd.Az “Report”-a istinadən məlumat verir ki, hadisə Zərifə Əliyeva küçəsində baş verib.
Belə ki, şəhərin Hənifə Abdullayeva küçəsinin sakini, 1973-cü il təvəllüdlü Bahar Balamirzə qızı Həbibovanı 42-BO-833 dövlət qeydiyyat nömrəli “Hundai-Elantra” markalı avtomobil vurub. Sürücü dərhal təcili tibbi yardım stansiyasına məlumat verib. Yaralı xəstəxanaya çatdırılıb.
Faktla bağlı araşdırmalara başlanılıb.
