Ağdaş rayonunda ağır yol-nəqliyyat hadisəsi baş verib.
AvtoReyd.Az “Report” a istinadən məlumat verir ki, hadisə Ağdaş-Qəbələ avtomobil yolunda, Türyançay körpüsü yaxınlığında baş verib.
Hadisə zamanı “Qazel” markalı yük maşını ilə “VAZ 2107” markalı minik avtomobili toqquşub.
Nəticədə “VAZ 2107”də olan sürücü və 3 sərnişin ağır bədən xəsarətləri alıb. Onlar Ağdaş rayon Mərkəzi Xəstəxanasına çatdırılıb.
Qəza zamanı yaralanan sürücü, 1994-cü il təvəllüdlü Yevlax rayon Quşçu kənd sakini Bəşirli Bəhruz Rafiq oğlu reanimasiya şöbəsinə yerləşdirilib.
Digər yaralılar 1993-cü il təvəllüdlü Qəbələ sakini Şükürov Tural Sahib oğlu, 2013-cü il təvəllüdlü Qəbələ rayonu Savalan kənd sakini Məhərrəmov Yusif Tarzan oğlu və 1991-ci il təvəllüdlü Məhərrəmova Güldanə Sahib qızıdır.
Xəstəxanadan verilən məlumata görə, yaralılardan azyaşlının vəziyyəti daha ağırdır.
Faktla bağlı araşdırma aparılır.