Goranboy rayonunda yol-nəqliyyat hadisəsi baş verib.
AvtoReyd.Az “Report”a istinadən məlumat verir ki, hadisə Kələk kəndində baş verib.
Belə ki, kənddə “VAZ-21011” markalı avtomobillə “VAZ-2106” markalı maşın toqquşub. Hadisə nəticəsində azı 5 nəfər xəsarət alıb. Yaralılar – Gülnar Əmrahova və onun azyaşlı övladı, habelə Əmrahova Başxanım və avtomobillərdən birinin sürücüsüdür. Qəza zamanı digər avtomobilin sürücüsü də xəsarət alıb.
Faktla bağlı araşdırma aparılır.