Göyçay rayonunda yol qəzası baş verib.
AvtoReyd.Az “Report”a istinadən məlumatına görə, hadisə Göyçay-Bərgüşad avtomobil yolunun 5-ci kilometrliyində qeydə alınıb.
Belə ki, Göyçay rayonunun Kürdəmiş kənd sakini, 1991-ci il təvəllüdlü Ramal Ramiz oğlu Həşimov idarə etdiyi “VAZ-2106” markalı avtomobili ilə hərəkətdə olarkən eyni istiqamətdə hərəkət edən Ulaşlı-Şıxlı kənd sakini Emil Zakir oğlu Abışovun idarə etdiyi “VAZ-2107” markalı maşın tərəfindən vurulub. Nəticədə “VAZ-2106″nın sərnişi, Oğuz rayonunun Qumlax kənd sakini, 1988-ci il təvəllüdlü Hümbət Həşimov müxtəlif dərəcəli bədən xəsarətləri alıb. Yaralı Göyçay Rayon Mərkəzi Xəstəxanasına yerləşdirilib.
Fakt bağlı araşdırma aparılır.